Um Námskeiðin

Leynileikhúsið heldur úti annarlöngum námskeiðum á haust- og vor önn og vikulöngum námskeiðum á sumrin.

Kjörorð Leynileikhússins er LEIKGLEÐI.

 

Sumarönn:

Á námskeiðunum er að venju unnið með skapandi aðferðir, ímyndunarafl nemenda, spuna, persónusköpun og samvinnu. Námskeiðin eru færð út á græn svæði  eins mikið og veður leyfir.

Sumarið 2018 fara námskeiðin fram í Reykjavík, Seltjarnarnesi, Kópavogi og Hafnarfirði.  Um er að ræða vikulöng námskeið, þrjá til fjóra tíma í senn. Allir kennarar námskeiðanna eru fagfólk í sinni listgrein og einnig reyndir kennarar hjá Leynileikhúsinu.

 

Nánar um sumarnámskeiðin:

Með frumsköpun að leiðarljósi er farið í gegnum grunnatriði leiklistar og sköpunar. Í gegnum leiki, æfingar og spuna er unnið sérstaklega með hlustun, samvinnu, einbeitingu og tjáningu. Leitast er við að leiðbeina þátttakendum við að finna hugmyndum sínum farveg og byggja þannig upp sjálfstraust þeirra og framkomuhæfileika.

Á lokadegi námskeiðs er opinn tími, þar sem þátttakendur fá tækifæri til að sýna vinum og fjölskyldu afrakstur vikunnar.

 

Nánar um Krílanámkseiðin sumarið 2018:

Á námskeiðunum fyrir þau allra yngstu er lögð mikil áhersla á hlutverkaleiki, samvinnu og hreyfingu. Hlustun og einbeiting er stór hluti af leiklistinni sem unnið er með. Tækniæfingarnar eru vel faldar í skemmtun og gleði. Námskeiðið kynnir yngstu nemendur okkar yfir töfrum leiklistarinnar.

 

Nánar um Söngleikjanámskeiðin sumarið 2018: 

Á námskeiðinu verður farið í spunaleiki, dansæfingar og söngæfingar. Útfrá þeim æfingum semja krakkarnir sinn eigin söngleik bæði í kringum lög sem eru nú þegar til og jafnvel munu þau semja 1-2 lög í söngleikjaspuna. Á lokadegi námskeiðisins verður sýning á söngleiknum fyrir aðstandendur. Kennarar eru þrír; leiklistar og söngkennari, tónlistarkennsla og undirleikur og danskennari.

Vor- og haustönn:

Leynileikhúsið býður uppá almenn leiklistarnámskeið fyrir börn í 1.-10.bekk og framhaldsnámskeið. Almenn leiklistarnámskeið eru alls 12 klukkustundir. Hver leiklistartími er ein klukkustund í senn og fer fram einu sinni í viku. Framhalds- og unglinganámskeið eru 90 mínútur í senn, einnig einu sinni í viku.  Kennt er í skólabyggingum víða um höfuðborgarsvæðið, fyrstu tíu skiptin. Lokatíminn er tvöfaldur (11.og 12.tími) og fer fram í leikhúsi, þar sem nemendur fá búninga, leikhúsförðun og æfingu á sviði og sýna svo leiksýningu fyrir aðstandendur.

Á öllum námskeiðum okkar fær sköpunargleðin, leikur, spuni og samvinna að ráða ríkjum, því megináherslur Leynileikhússins eru ávallt frumsköpun og LEIKGLEÐI.

Í gegnum leiki, æfingar og spuna er unnið sérstaklega með hlustun, samvinnu, einbeitingu og tjáningu. Leitast er við að leiðbeina þátttakendum við að finna hugmyndum sínum farveg og byggja þannig upp sjálfstraust þeirra og framkomu.

Öllum námskeiðum lýkur með sýningu nemenda á eigin verkum, sem fram fara í leikhúsi. Allir kennararnir Leynileikhússins skarta háskólamenntun í leiklist.