Um Leynileikhúsið

Leynileikhúsið ehf.

Skaftahlíð 40

105 Reykjavík

Sími: 864-9373

Vefpóstur: info@leynileikhusid.is

 

Hjá Leynileikhúsinu geta ungir leiklistarunnendur sótt fjölbreytt og skapandi námskeið í leiklist. Á námskeiðunum er unnið er að því að efla framkomu, sköpunarkraft og tækni hvers og eins nemanda, með leikgleði og frumsköpun að leiðarljósi. Einkunnarorð Leynileikhússins eru einmitt LEIKGLEÐI!

Leynileikhúsið var stofnað árið 2004 af Agnari Jóni Egilssyni, leikara og leikstjóra og hefur verið stækkandi æ síðan. Leynileikhústímarnir fara fram í skólabyggingum víða um höfuðborgarsvæðið, en sú hugmynd að bjóða uppá námskeið í einum skóla í hverju hverfi kom upphaflega frá foreldrum. Slíkt skapar vissulega heildstæðari vinnudag fyrir börnin og minni þörf er á skutli eða strætóferðum til að börnin geti stundað sitt áhugamál.

Nafnið varð til eftir að Leynileikhúsið setti upp leiksýningu í óskilgreindum rýmum, þar sem áhorfendur þurftu að leita atriðin uppi, m.a. inná heimilum fólks og í portum og skúmaskotum Reykjavíkurborgar.